• Dy fjalë lexuesve
• Parathënie
• Kengëtore shqipe “PLAGT”
• Drama
• Novela
• Portrete
• Artikuj, Pamflete, Fejtone
• Letër nga malet e Shqipërisë
• “Mesia”
• Socializma
• Bashkim dhe përparim
• Gazetari shqiptar
• “Mëmdheu i vjetër”
• “Honxho-bonxhot”
• “Kafe oxhaket”
• Mexhliset
• Akademia
• Muamelet
• Aligolltura
• Syfetsëzët
• Kopsaxhinjtë
• Kajmetë
• Mjekraxhinjitë
• Unë
• “Balemishlarët”
• Shemendeferi
• Gazepi
• I gjori ibrik
• Xinxifkë Pasha
• Deti publik
• Fermani
• Kanali i Devollit
• Xhongo-rrokët
• E gjera Poçe

VEPRA

MIHAL GRAMENO

MJEKRAXHINJTë

Një shumicë e kishte rrethuar z. Pogë (1) , ministrin e Drejtësisë, në kafene ku ai kishte ftuar të krishterët me nxitim. Njëmijë mendime më shkonin ndër mend gjersa arriva... Me të hyrë në kafene dëgjova Pogën të thoshte: “Turp!... turp!... turp i madh”... dhe me të më parë më tha:

— Ku jeni xhanëm që nuk përkujdesi për asgjësendi? Unë t’i kem të gjitha meraqet, efendëm, sikur nuk janë mjaft sa kam?

— E po ty të kemi kryetar e më të madh, — i thash — po ç’është shkaku që jeni kaq i zemëruar?

— Qysh mos të zemërohem, jahu! Ky turp e rrezillëk që na erdhi nuk durohet dot! Ç’kanë për të thënë bota kur të dëgjojnë që shqiptartë ortodoksë i kanë priftërinjtë pa mjekër e me leshra të qethura? Po meazallah t’i vejë në vesh patrikut e të na mallëkojë e mos na tretë dheu?! U plaka po këtë turp nuk e besoja kurrë që të shoh prift ortodoks pa mjekër e me leshrat e qethura!...

Po habiteshim, kur Poga na tha:

Ju çuditi se nuk çani kryet si mua, andaj mësoni që At Fan Noli erdhi në Shqipëri”. (2)

Lëvizëm nga gëzimi për këtë lajm të bukur dhe gazmor, po Poga na e preu fjalën, duke thënë:

— Më mirë të mos kishte ardhur se sa erdhi, se na turpëroi meqë s’ka mjekër!... Mjekra... Mjekra vëllezër është që u jep nur e bukuri priftërinjve tanë e jo dituria!... Sa para bën dituria e Fan Nolit kur nuk ka gërshet dhe mjekër?... Ne si rnë pleq që jemi duhet të marrim masat e duhura, se të rinjve u pëlqen dhe gëzohen pa u menduar që sjellin ftohtësirë ne populli fedak.

— Mos u zemëroni kaq z. Pogë, — i thashë unë,... — se në Evropë kësisoj rrinë priftëria dhe ja Rumania që është shtet ortodoks votoi një nom që të rrinë priftëria, si më të paqmë, me pak mjekër dhe leshrat qethur.

— Hesht, hesht! se hymë në fund të dheut, — tha Poga, — Qysh do të bëjmë ne po të zemërohet Patrikana?

— Bëjmë sinodhin tonë autoqefal, — i thashë, — siç e kanë të gjithë kombet sot për sot.

— Jo, jo këtë nuk e bëjmë kurrë, po jazik, për diturinë e Fan Nolit se më përpara duhet të më shkruante mua që të përkujedesesha ta dërgoja në ndonjë manastir ku të qëndronte gjersa t’i rriteshin gërsheti dhe mjekra!...

— Ashkosun!... ashkosun... të qoftë, zoti Pogë — i thanë ca nga honxho-bonxhot, — se me mendjen e lartë që ke për perëndi shkon edhe një kadi! Duhet pra, duhet, thonë, që Fan Nolit t’i rriten gërsheti dha mjekra!...

Poga u gëzua shumë dhe proponoi të zgjidhej një komision i cili t’i thoshte At Fan Nolit që të hynte në një manastir gjer t’i rriteshin gërsheti dhe mjekra!...

“Koha”, 1916, nr. 61